Argazki asko, kartel ugari, gertakariak kronologikoki kontatzen dituzten datuak zein prentsako artikuluak eta ikus entzunezko bat daude, besteak beste, Aroztegi aretoan zabaldu duten erakusketan. Intsumisioaren mugimendua Bergaran nola bizi izan zuten kontatzea da helburu.
Erakusketa bera hilaren 24ra arte egongo da zabalik. Urriaren 13an, baina, Intsumisioa Bergaran. Desobedientziarako bide bat izeneko dokumentala estreinatuko dute Seminarixoan (20:00), Asier Altuna Kixi-ren aspaldiko beste lan batekin batera, gaiarekin lotura duena. Aurrerago gaztetxean ekitaldiren bat egiteko asmoa ere badute.
