Bozeramaile batzordean landu zen COVID-19ak eragindako egoeraren inguruan adierazpena onartu zuten eta bertan, besteak beste, bergararrei eskatzen zaie ate joka ditugun Gabonetan ere zorrotz errespetatzeko orain arte emandako jarraibideak. Maskara erabiltzeak, distantzia gordetzeak eta sei lagun gutxiagoko taldetan aritzeak gertukoenen heriotza saihestea dakarrela nabarmendu zuten talde politiko guztiek.
Agorrosin Berria aho batez, baina EAJren kritikarekin
Bozketan adostasuna izan zuen beste gaietako bat izan zen Agorrosin Berrirako Bergara Kirol Elkarteko futbol sailarekin adostutako hitzarmena berritzearena. Aho batez onartu zen pandemiak eragindako egoera egokitutako akordio berria baina EAJk uste du Udla Gobernuak “urrezko hilabete batzuk” galdu dituela. Gobernua ez dago ados baieztapen horrekin.
EAJk kezka azaldu zuen azokagatik
Amaitzeko, galderen eta eskaeren tartean EAJko Elena Letek kezka azaldu zuen Oxirondo azokagatik. Azaldu zuen Gabonetan jende gehiago hurbildu ohi denez azokara azken egunotan pilaketak izan direla, ilarak ez direla modu ordenatuan egiten eta hidrogela ez dela bermatzen. Gorka Artola alkateak erantzun zion esanez azokaren egoera berraztertuko dutela.