Agorrosingo zelaia artifizial egiteko lanak 2023ko ekainaren 30ean hasiko dira beranduenez

Jokin Bereziartua Lizarazu 2020ko abe. 17a, 18:24

Agorrosin Berrira begirako hitzarmen berria adostu dute Bergarako Udalak eta Bergara Kirol Elkarteko futbol sailak. 2019ko maiatzean sinatu zen aurreko hitzarmena, pandemia aurreko egoeran, eta horregatik bi aldeek adostu dute konpromiso berria. Aldaketa nagusia dago Udalak urtez urte egin beharreko diru ekarpenetan, eta oraindik kanpo finantziazioa lotzeke dago.

Bi epe nagusi zehazten ditu akordioak: proiektua idatzita egon beharko da 2021eko urriaren 30a baino lehen eta lanak beranduenez hasi beharko dira 2023ko ekainaren 30a baino lehen.