Lehen 48 orduetan "oso erantzun ona" izan dute Bergarako bonuek

20.000 euroko hasierako poltsa bat sortu du Bergarako Udalak kuttuna.org webguneak bultzatutako erosketa bonuen bitartez herriko merkataritza, ostalaritza edo zerbitzu sektoreko establezimenduak laguntzeko. Garapen Ekonomikorako zinegotzi Ainhoa Leteren arabera, "oso erantzun ona" izan du ekimenak lehen bi egunetan: "17.500 euro mugitu dira bonutan, 250 herritarrek eman dute izena eta 49 zerbitzu-emaile ditugu oraingoz".