Aurreko astean egindako herri batzarrean erabaki zen, Gorka Artola bergararra izango zela hurrengo maiatzaren 26ko udal hauteskundeetan EH Bilduren alkategaia. Gaur arratsaldean, Bergarako Irala kalean dagoen EH Bilduren bilgunea aurkeztearekin batera, Gorka Artola herritarren aurrean aurkeztua izan da.
Oposizioko zinegotzia
Azken agintaldi honetan, oposizioko zinegotzi izan da Artola eta erronka honi aurre egiteko gogotsu dagoela adierazi du. Maiatzaren 26ko hausteskundeak irabazteko aukerak daudela aitortu du, baina aurretik herri programa osatu beharko dute.
Herri programa
Maiatzera arte Irala kaleko EH Bilduren bilgunea herritarrei zabalduta egongo da, horien proposamen zein ideiak batzeko. Agurne Barrusok adierazi du, herritarrak entzuteko prest daudela eta azpimarratu du hausteskundeak irabazteko herritarren laguntza ezinbestekoa dela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
