Zapatuan, arratsaldeko lau t’erdietarako deitu dute hitzordua San Martin plazan, eta grabaketa herriko alde zaharrean zehar izango da.
Aste honetan zehar bideoko hasierako zatiak grabatzen dihardute herriko jende desberdinarekin, eta zapatukoa izango da grabaketa saio handia.
Gure Esku Dago ekimenaren abestia izango du oinarri lip dubak. Helburua da ekainaren bosteko galdeketarako giroa piztu eta parte hartzea bultzatzea. Herritarrak animatu dituzte mozorroak, alkandorak, txapelak... ekarrita etortzea grabaketara.
Antolatzaileek izen emateko formulario bat jarri dute herritarren eskura interneten, gutxi gora beherako parte hartzaile kopurua jakin ahal izateko asmoz.
Aurretiazko botoa
Bestalde, ekainaren 4ra arte galdeketan aurretiazko botoa emateko aukera izango dute herritarrek, Erainek Barrenkaleko hogeita zortzigarren zenbakian. Astelehenetik egubakoitzera arratsaldeko sei t’erdietatik zortzietara egongo da zabalik, eta zapatutan goizez, hamarretatik ordubatetara.
Azken egunean, ekainaren lauan, goizez eta arratsaldez izango dute zabalik bulegoa.
