Aurreko astean Xala Buruz Burukotik kanpo utzi eta gero, Beñat Rezustak Irujo txapeldunaren kontra neurtuko ditu indarrak domekan Eibarko Astelehena pilotalekuan. Atzo, eguena, egin zuten pilota aukeraketa eta pozik azaldu zen Rezusta berak aukeratutako materialarekin. Eibarko pilotalekua berarentzako ona dela ere esan zuen, hasiera batean bertan jokatzea kosta egiten zitzaion arren, asko entrenatu duelako han eta jada eroso sentitzen delako.
Domekara begira ondo dagoela azaldu zuen Bergarakoak, eta gogoz, itxura ona emateko itxaropenarekin gutxienez.
Kontrario deserosoa izango da bergararra Irujorentzako. Aurtengo urtea txapelketa ondoen prestatu duen urtea izan dela aitortu du Iberoko aurrelariak, baina badaki jokalari handi bat izango duela aurrean, aurtengo Rezustak ez duelako zerikusirik iazkoarekin, bere esanetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
