GHK eta Udalaren arteko akordioari esker, konpentsazio gisa, Angiozarrek 321.814,75 euro jasoko ditu

Imanol Gallego 2015ko mar. 3a, 17:30

Bergarako udalbatzak atzo egindako ez ohiko osoko bilkuran Epeleko konpostatze plantaren inguruko hitzarmena onartu zuen. Akordioari esker, Epeleko konpostatze planta eta transferentzia estazioa Angiozar auzoko lurretan eraikitzen ari direnez, neurri konpentsatzaile gisa, auzoak 321.814,75 euro jasoko ditu.

Epeleko konpostatze planta eta transferentzia estazioa eraikitzeko proiektuaren inguruan, Gipuzkoako Hondakinen kudeaketa eta Bergarako Udalaren arteko akordioa Gobernu taldeak eta EAJk babestu zuten, alderdi sozialista ez zen osoko bilkuran egon. Akordioari esker, Angiozarrek bertako bizi kalitatea hobetuko duten proiektuak garatzeko 321.814,75 euro jasoko ditu.

Alderdi jeltzalea akordioak izango dituen ondorioekin bat etorri arren, Epeleko plantaren lanen atzerapena azpimarratu zuen EAJko bozeramaileak. Oiarbide zinegotziak azaldutakoaren arabera, konpostatze plantaren proiektua 2009an onartu zen eta ordutik proiektuaren lanek ez dute aurrera egin. Alkateak bestalde lanen atzerapena onartu zuen, eta aurreikuspenen arabera, plantaren lanak sei hilabeteren buruan bukatuta egongo direla argitu zuen.

Konpentsazio gisa angiozardarrek jasoko duten diruak baina ez du atzerapenik izango, atzo onartu zen akordioa sinatzean %50a jasoko baitute, eta gainontzekoa, lanak bukatzen direnean. GHKtik jasotako dirua, angiozardarrekin adostutako proiektuetan gastatuko dutela zehaztu zuen Isazelaia alkateak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak