Maider Osa kultura teknikariak azaldu duenez, "antzerki eran egindako omenaldi txiki bat" da, Mikel Laboaren lagunek hura oroitzeko sortutakoa. Gainera, oraindik bada sarrerak erosteko aukera, bergarako udalaren webgunean eta kultura etxean bertan. Antzerki zikloa gertutik jarraitzeko interesa asmoa dutenek, ordea, badute beste aukera bat ere: Bonoa erostea. Era horretan, 25 euroren truke helduentzako diren lau antzezlanak ikusi ahal izango dira. Bonoak kultura etxean eskuratu daitezke.
Guztira zortzi antzezlan bildu dituzte zikloan, helduei zein umeei zuzendutakoak. Gehienak Zabalotegi aretoan egingo dituzte, zikoari hasiera emango dion Zazpi aldiz elur antzezlana eta Barry Barrez bakarlari irlandarraren saioa izan ezik. Azken hori, Pleno aretoan izango da, otsailaren 25ean, arratsaldeko zazpietan, eta gainera, ez da sarrerarik ordaindu beharko. Biharko emanaldira gerturatu ezin dutenek, beraz, izango dituzte aukera gehiago datozen egunetan ere. Hurrengoa, zapatuan, arratsaldeko zortzietan, Arren ganbara emeen sotoa antzezlanarekin.
