Arrasateko San Juan Jaiak 2017

Jaiak 2017: Arrasateko Sanjuanak

  Gizartea  Arrasate JAIAK

2017ko Arrasateko San Juan jaien saio osoa.

Ekintza ugari Sanjuanetan herriko txikienentzat

  Gizartea  Arrasate HEMEN DEBAGOIENA

Eguzkilaru, zunbaokea eta apar festa, gozamen aukera ugari egon ziren San Juan jaietako haurren eta gaztetxoen egunean. Eguraldia ere lagun izan zuten domekan eta familia asko hurbildu ziren jaietako egitarauak eskaintzen zizkien aukera guztietara.

Street Boulder txapelketa eta olinpiadak San Juan jaietan

  Kirola  Arrasate HEMEN DEBAGOIENA

Zapatuan Street Boulder txapelketa batetik, eta bestetik olinpiadak egin ziren Arrasateko kaleetan zehar. Jendetsua izan zen Olarte kalean hasi zen Street Boulder txapelketa eta herritar asko egon ziren jarraitzen. Olinpiadak txosnagunean hasi ziren eta herriko hiru gune ezberdinetatik pasatu ziren parte-hartzaileak.

Gatillazok astindu du jaietako azken gaua

  Kultura  Arrasate

Talde ezagunak bere azken lana den Como convertirse en nada diskoa aurkeztu du Herriko Plazan. Punk rock doinuez beteriko kantuak biltzen dituen Gatillazoren hirugarren estudioko lan horrek plaza altxatu du. Kantu berri horiek, eta aurretik kaleraturiko abestiak errepasatzeaz gain, ohikoa duten moduan La Pollaren zenbait kantu ere jo dituzte.

»» Ikusi argazki guztiak (52)

Eusko Label produktuen dastaketa

  Gizartea  Arrasate

Goikobalu abesbatzaren eskutik, bederatzigarrenez egin dute Eusko Label produktuen dastaketa herriko plazan. Parrillan egindako oilaskoa, piper berdeak eta eztarria bustitzekoa ere izan dute bertara gerturatu direnek.

»» Ikusi argazki guztiak (24)

Mendizabalek aise garaitu du Jaka (22-5)

  Kirola  Arrasate

Uarkape pilotalekuan pilota partidu profesionalez gozatu ahal izan dute gaur arrasatearrek. Lehen partiduan; Dariok eta Erostarbek 22-17 irabazi diote Elordi eta Irustari. Bigarrenean, aldiz, Aitor Mendizabalek 22-5 irabazi dio Jakari.

»» Ikusi argazki guztiak (51)

"Zeuk iñ zeuk jan" bazkaria

  Gizartea  Arrasate

Urtez urte indarra hartzen ari den bazkaria egin dute azokan. Aurten, mila pertsona inguru bildu dira mahaiaren bueltan, eta paella izan da kuadrilla gehienek bazkaltzeko hautatu duten menua. Azoka kanpoaldean jarritako suak erabiliz prestatu dute bazkaria batzuk, eta beste batzuk, aldiz, etxetik ekarri dute prestatua. Sagardo kupela ere izan dute eztarria bustitzeko.

»» Ikusi argazki guztiak (19)

Bazkaria, inoiz baino jendetsuagoa

  Gizartea  Arrasate

Zeuk iñ zeuk jan bazkaria arrakastatsua izan da aurten. Izan ere, Arrasateko azoka beteta izan da eta kanpoaldean ere hainbat mahai jarri behar izan dituzte. Urtero moduan, azoka kanpoan sua eta baliabideak izan dituzte kuadrillek nahi izanez gero, beraien bazkaria prestatzeko. Eta nola ez, sagardo kupela ere bertan jarri dute eztarria bustitzeko. Guztira, 1000 pertsona izan dira mahaien bueltan batu direnak.

Apar artean gustura jolasean

  Gizartea  Arrasate

Jokin Zaitegi plazan bildu dira haur eta guraso pila apar artean jolasteko. Hori bai, gurasoren bat edo beste sartzeko gogoz izan den arren, gaztetxoenak izan dira bainujantzia jantzi eta apar artean murgildu direnak.

»» Ikusi argazki guztiak (37)

San Juanetan gaur, umeak protagonista

  Gizartea  Arrasate

Ume eta gaztetxoen eguna da gaur Arrasaten eta egun guztian zehar, haiei eskainitako ekintzak izango dira herrian. Biteri plaza eta Zaldibar eurendako egokitu dira. Eguerdian, ongi-etorria egin diote Eguzkilaruri eta makal txikiaren igoera ere egin dute. 

»» Ikusi argazki guztiak (51)