San Sebastian martxa-rekin abiatu zuten ibilbidea, Kulturolatik Herriko Plazaraino. Bero handia izan zen arratsalde osoan zehar gehien entzun zen gaia. Bai danborradan parte hartu zuten umeek, bai kale bazterretan desfilea ikusteko elkartu ziren herritarrek, tenperatura altuez jardun zuten etengabe. Eguzkiak gogor jo zuen ibilbide osoan zehar. Eta, batek edo bestek datorren urterako arropa aproposagoa beharko litzatekeela aldarrikatu zuen, beroari aurre egiteko.
Danborradaren antolakuntzakoek, SUDCeko kideek ura ekarri eta ura eskaintzen egin zuten danborradaren ibilbidea. Danbor-joleekin batera parte hartu zuten Arrasate Musikaleko Musika Bandako kideek.
