Euskadiko Eskolarteko Kirol Jokoen 43.edizioaren baitan, kros txapelketa jokatu zen joan den domekan, Atxabalpe futbol zelaia izan zenaren lekuan. Nesken zein mutilen kategorian, Gipuzkoako, Arabako eta Bizkaiko taldeek hartu zuten parte; infantil mailako 150 bat korrikalari inguruk.
Arabako El Prado kluba nagusitu zen txapelketan, jokatu ziren bi lasterketak irabaziz. Hain zuzen, Ainize Romero eta Markel Saenz de Buruaga izan ziren banakako nesken eta mutilen kategoriako azkarrenak.
Debagoiendarrei dagokienez, Arrasate Atletiko Taldeko neskek bi podio lortu zituzten talde mailan eskuratutako eta Nile Agirretxek banaka eskuratutako bigarren postuekin. Agirretxe pozik ageri zen lasterketan egindako lanarekin, eta lehia gogorra izan zela adierazi zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
