JAME goraino bete du A Tempo Korua abesbatzak bere lehendabiziko kontzertuan

Txomin Maidagan arrasatearrak zuzentzen duen A Tempo Korua abesbatzak lehendabiziko emanaldia eskaini zuen Arrasateko JAMEn. Euskal Herriko hainbat herritako 18 eta 25 urte bitarteko gazteek osatzen dute taldea, eta errenazimendutik barrokorako bidea egin zuten hiru zatiz osatutako kontzertuan. 2023ko urrian hasi zuen ibilbidea eta energia berritzailea, ahots kalitatea eta kulturarekiko konpromisoa duen abesbatza da. Zapatura arte, lehiaketetan parte hartu izan dute soilik.