Energia berritzailea, ahots-kalitatea eta kulturarekiko konpromisoa duen abesbatza da hau eta 2023ko urrian hasi zuen ibilbidea. "Orain arte, lehiaketetan hartu dugu parte. Gipuzkoako Gabon Kanten Lehiaketako lehen saria eskuratu genuen 2024an, eta, 2025ean, Gasteizko II. Abesbatza Lehiaketako lehen saria eskuratu genuen. Lehiatu gabeko emanaldia eskainiko dugun lehen aldia izan da gaurkoa", adierazi du abesbatzako zuzendari Txomin Maidaganek.
Gainera, "berezia" izan da kontzertua: "herriko oholtza gainean emanaldia eskaintzeko aukera eman digu Ozenki elkarteak eta oso eskertuta gaude. Emanaldi berezia prestatu dugu gaurko, horrelakoetan orain artean egin ez dena".
Ozenki elkarteak gertu du hurrengo hitzordua: Verdiniren La Traviata izango da gozagai Arrasateko Amaia antzokian, azaroaren 2an.
