Energia berritzailea, ahots-kalitatea eta kulturarekiko konpromisoa duen abesbatza da hau eta 2023ko urrian hasi zuen ibilbidea. "Orain artea, lehiaketetan hartu dugu parte eta Gipuzkoako Gabon Kanten Lehiaketako lehen saria eskuratu genuen 2024an, eta, 2025ean, Gasteizko II. Abesbatza Lehiaketako lehen saria eskuratu ditugu. Gaur da emanaldi bat eskainiko dugun lehen aldia", adierazi du abesbatzako zuzendari Txomin Maidagainek.
Gainera, "berezia" izan da kontzertua: "herriko oholtza gainean emanaldia eskaintzeko aukera eman digu Ozenki elkarteak eta oso eskertuta gaude. Gaurko emanaldi berezia prestatu dugu, horrelakoetan orain artean egin ez dena".
Ozenki elkarteak gertu du hurrengo hitzordua: Verdiniren La Traviata izango da gozagai Arrasateko Amaia antzokian, azaroaren 2an.