Pirolitikak taldeko Belen Aranbarri eta Zuriñe Velez de Mendizabal izan dira Goiena telebistako Harmailatik saioan, irailaren 20an Arrasaten egingo duten Amarians txapelketa aurkezten. Arrasate Errugby taldeko 35 urtetik gorako emakumeek osatzen dute Pirolitikak, eta, azken urteotan Mater Series txapelketetan aritu ostean, orain beraien lehen torneoa antolatzeko pausua ematea erabaki dute.
Lau taldek hartuko dute parte Amarians torneoan, eta noski, talde horietako bat Pirolitikak izango da. Beste hiru taldeak Donostiako Blasfemmes, Valladolideko Vacceas eta Madrilgo Tigresas izango dira.
Torneo irailaren 20an, zapatua, goizeko bederatzietan hasiko da Mojategin. Hala ere, asteburu osorako egitaraua antolatu dute errugbi taldeko kideek, Arrasaten izango baitira gonbidatutako hiru taldeak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
