Debagoiena eskualdearen mendebaldean kokatuta dago Arrasate, Arabarekin eta Bizkaiarekin mugan. Udalatx mendiaren magalean dago, eta gertu ditu Murugain eta Kurtzetxiki ere. 30,8 kilometro koadroko azalera dauka eta, 22.123 biztanlerekin, Gipuzkoako udalerri populatuenetakoa da. Santa Barbara eta Monterron parkeak dira herriko berdegune nagusiak; bigarrenak XVII. mendean eraikitako jauregia eta ikuskizunetarako erabiltzen den anfiteatroa ere barnebiltzen ditu.
Herrigunea bost auzotan banatuta dago, eta beste hainbeste daude herrigunetik kanpo.
Kooperatibismoaren erdigunea da, baita sarrailagintza arloko enpresa garrantzitsuen sehaska ere, eta industrialde bat baino gehiago ditu egun: Kataidekoa eta Markuletekoa, esaterako. Garaia Parke Teknologikoaren bitartez, enpresen, zentro teknologikoen eta unibertsitatearen arteko harremanak sustatzen ditu.
Arrasaten du egoitza tokiko euskarazko hedabidegintzan erreferente den Goienak ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
