Lehen pausoak ospitale berriaren eraikuntzan

Osasun Sailak jakinarazi duenez, Debagoieneko ospitalearen eraikin berria egiteko obren lizitazioa lehiaketara atera du. Behin lanak lizitatu ostean, 30 hilabeteko epean amaitzea espero dute. Eraikin berriak 29 milioi euroko kostua izango du, nahiz eta kopuru horri, altzarien eta ekipamenduaren prezioa ere gehitu beharko zaion. Eraikin berri horrek amaiera emango dio 2022. urtearen bukaeran ospitale zaharraren eraiste lanekin hasi zen prozesu guztiari.