Turkian eskuratutako domina "opari bat" izan da Arrasateko gimnastentzat

Aerobikeko Europako txapelketan hartu dute parte Arrasateko Dragoi Taldeko gimnastek, Antalyan (Turkia). Aerostep modalitatean aritu dira, eta hirugarren postua erdietsi dute. Atzo itzuli ziren Euskal Herrira, eta adierazi dutenez, "pozik" daude egindako lanarekin eta eskuratutako emaitzarekin. Domina hau "opari bat" izan dela adierazi dute Nahia Irazola, Uxue Azkue eta Maria Martiarena gimnastek.