First Lego League Mondragon-Euskadi txapelketaren hamalaugarren edizioa ospatu zen zapatuan, Iturripen. Arrasaten ez ezik, Bilboko Deustuko Unibertsitatean eta Donostian, Donostia Sustapenaren egoitzan jokatu zen finala. Beste behin, zientziarako eta teknologiarako grina piztea izan zen egitasmoaren helburu nagusia. Iturripen, garaile irten ziren Gernikako San Fidel ikastetxeko bi talde; Sanfitek_Land eta Sanfitek_Fire.
Arrasaten irabazi zuten bi talde gernikarrekin batera, Bilbon eta Donostiako finalak irabazi zituzten beste lau taldek jokatuko dute martxoaren 25 eta 26an Cartagenan (Murtzia) estatu mailako finala. Handik nazioarteko finalerako sailkatuak irtengo dira. Nazioarteko finala Houstonen (AEB) ospatuko da, apirilaren 18tik 22ra.
