Mondragon Unibertsitateak ikasle gazte ugari hartu ditu gaur, zientziarako eta teknologiarako bokazioak piztea helburu duen egitasmoan.
Aurten erronka zaila izan dute parte-hartzaileek: superpowered energia jasangarriaren munduan murgildu dira. Askotariko probak gainditu behar izan dituzte lego piezekin egindako robotek; energia hartu eta telebista bat piztea, esaterako.
Sei talde onenak estatu mailan jokatuko den finalerako sailkatu dira. Gernikako San Fidel Ikastolako Sanfitek_Land eta Sanfitek_Fire, Portugaleteko Stem Toki-Eduroboticeko Edurobotic Energy, Donostiako Axular Lizeoko Overclock, Donostiako Santo Tomas Lizeoko Lizeobots A, eta Gasteizko Urkide Ikastetxeko Legokide 1 izan dira irabazleak.
