Uztailean, lorezainen aferaren baitan, garibaien izan ziren zuhaitz mozketek berriz ere inguru hori landatzea eragin dute. Udaletik oraindik ez dute ulertzen gertaera horren zergatia. Gertaera horrek ordea kalteak eragin zituen eta horren ondorioz, gune hori berriz landatzeak 8.000 euroko kostua suposatuko du. Zuhaitz landaketa berri hauekin, gune horrek aurretik zuen itxura berreskuratzea eta herritarrentzat gune berde eta eroso bat izateko helburua dute.
Orain arte egindako landaketez gain, datozen asteetan beste zonalde edo auzoetan ere zuhaitz berriak landatzeko asmoa dutela aurreratu dute Udal ordezkariek, proiektuaren azken fasearen barruan.
Udaletik nabarmendu nahi izan dute aktuazio honek aukera ematen duela Arrasate berdeago, klima-aldaketaren aurkako babestuago eta hiri-garapen iraunkorraren helburuekin konprometituago bat izatea.
