Muruak adierazi du, alkatetzatik arrasatearren bizi-kalitatea hobetzen lagun dezakeela. Era berean, bere helburuen artean, udalerria modernizatzen laguntzea dagoela azaldu du, "hiri-ingurunea garatuz eta bizigarriago bihurtuz". Bestalde, "oztopo arkitektonikoak" kendu gura ditu, "mugikortasuna errazteko eta auzoen arteko joan-etorriak hobetzeko".
Gainera, azpimarratu du lan egingo duela "emakumeen eskubideak garatzeko eta babesteko proiektuak bultzatzeko, indarkeria matxistaren eta jokabide matxisten aurka".
Zuntz optikoaren garapena erraztuko duela ere esan du, "guztion aukera-berdintasuna eta bizi-kalitatea bultzatuz".
Duela bi aste, agintaldi amaierako elkarrizketa egin zion GOIENAk Aritz Muruari.
