Mikel Etxebeste: "22 urte dira Lezaunen bizi naizela, eta horrelako maiatz berorik ez dut ezagutu sekula"

Zorionez hobera egin du egoerak azken orduetan, baina aurreko egunetan sute larriak izan dira Nafarroan. Ondorioak ikaragarriak dira; izan ere, barikua ezkero ehunka hektarea erre dira, eta gehien gehienak itzuli badira ere hamahiru herritako bizilagunak lekualdatu behar izan dituzte etxetik. Larrialdi-eremu izendatzeko tramiteak hasi ditu Gobernuak. Lizarra merindadean dagoen Lezaun herriko alkatea da Mikel Etxebeste arrasatearra. Sutearen kontrako borrokan ibili dira lezaundarrak ere; lehenengo herria garretatik babesteko, eta ondoren inguruko herrietako bizilagunei laguntza eskaintzeko.