"Hunkituta eta pozik" hartu dute kamiseta Jon Sagastak, Javier Larraurik eta Jesus Aranbarrik. "Eskerrak eman nahi dizkiogu Mondrari opariagatik. Benetan polita izan da", azaldu du Sagastak.
Hiru futbol jokalariek 1965-1966 denboraldian Mondrari egindako ekarpena jasotzen duen liburuak, eta garai hartako "oso oroitzapen onak" gordetzen dituztela onartu dute hiruek. "Oroitzapen ederrak ditut. Talde ikaragarria genuen, eta Iturripeko zaleek asko disfrutatzen zuten gurekin. Gainera, haiek ere ezin hobe erantzuten ziguten", adierazi du Larraurik.
Aranbarrik, bestalde, uste du gaur egun futbolean jokatzeko "askoz ere erraztasun gehiago" daudela. "Lehengo futbola oso ezberdina zen. Guk pasa genituen momentu okerrenak eta gaur egun erraztasun gehiago daude, bai kluben zuzendaritzari eta antolaketari dagokionez, baita materialari dagokionez ere. Lehen ez genuen halakorik".
Harrera ona izan du lanak, baina Josemari Velez de Mendizabal egileak azpimarratu du, harrera baino, hiru jokalariek bere garaian lortutakoa jasota geratu izana dela inportanteena. "Finkatuta geratu da haiek egindakoa, eta hori da inportanteena".
