Jokin Etxebarria kazetariak dinamizatuta, zahartzaroari buruz luze eta zabal aritu dira Olatz Etxabe Iturbide egoitzako zuzendaria, Iñaki Peña barne medikua, Miguel Angel Laspiur Arizmendiarrieta Lagunak Elkarteko presidentea eta Izarra Gonzalez erretiratua. Kulturateko areto nagusia bete egin dute solasaldia entzutera gerturatutako herritarrek.
Ordubeteko saioaren ostean, Arrasate Musikaleko beteranoek emanaldia egin dute, zenbait kantu herrikoi interpretatuz, tartean, Xalbadorren heriotza.
Egitaraua aurrera doa
Gaur, hilak 28, 2018tik hona kontseiluak antolatu izan dituen ekintzen kartel guztiak erakutsiko dituzte BAZen, pantaila handi batean, "herritarrek ikus dezaten ze lan egiten dugun". Hala, hitzaldien kartelak, gidak, programak eta abar egongo dira ikusgai. Arratsaldean, 19:00etan, Abuelos pelikula ikusi ahal izango da Amaia antzokian.