Arrasateko plaza beteta agurtu dute Arrasate Blues jaialdia

Ibai-arte dendarien elkarteak antolatutako Arrasate Blues jaialdiak amaiera borobila izan du. Herriko musikariak igo ziren, atzo, oholtza gainera Gaualdi akustikoa eskaintzera.

Jaialdiko azken emanaldia izan zen atzokoa. Oholtza gainean Leire Etxezarreta, Garazi Barrena eta Asier Sala arrasatearrak, eta Huntza taldeko Aitor Huizi. Plaza, aldiz, herritarrez beteta. Musikaz gozatzeko gogoz.

'Gaualdi akustikoa'

Emanaldi akustikoa eskaini zuten musikariek. Leire Etxezarretak hasi zuen kontzertua, bakarka. Ondoren, Sala eta Barrena igo ziren oholtza gainera. Sala teklatuarekin eta Etxezarreta eta Barrena gitarrarekin aritu ziren. Talde ezagunen bertsioak eta abesti propioak abestu zituzten; adibidez, Etxezarretak itxialdian sortutakoa.

Ibai-artekoak pozik

Ibai-arteko presidente Jon Apraiz pozik zegoen emanaldiarekin, eta jaialdiarekin orokorrean: "Maila handiko musikariak izan ditugu, eta polita da jaialdia etxeko musikariekin ixtea. Azken finean, bertakoaren alde egitea da gure oinarria".

Erlazionatuak

Etxeko musikarien doinuekin amaitu dute Arrasate Blues jaialdia

Arrasate

Gaualdi akustiko eskaini dute Leire Etxezarreta, Asier Sala, Garazi Barrena eta Aitor Huizi musikariek Arrasate blues jaialdiaren barruan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.