Aurretik ere Mundukide Fundazioarekin beste zenbait ekimenetan part hartu ostean, elkartasun enkante bat jarri du martxan David Zurutuza futbol jokalariak erakundeari laguntzeko asmoz.
2017an Europa Ligan sartzeagatik jasotako erlojua, sinatutako 17 zenbakidun kamiseta, botak, Realaren partidu bat ikusteko bi sarrera berezi eta Zurutuzarekin batera, Reale Arenako instalakuntzak eta partidu bat ikusteko 4 gonbidapen dira Zurutuzak enkatera ateratako elementuak.
Lanean jarraitzeko gogotsu Mundukide
Koronbirusaren pandemiak eragin zuzena izan du Mundukide Fundazioak munduan zehar dituen proiektuetan, zituzten plangintzak bertan behera utziaz. Arazoak arazo baina, lanean jarraitzeko gogoz daudela diote.
