ALBISTEAK

Arrasateko aitzindariei keinu eginez, herriko hamabost entitatek babestu dute 2020ko Euskaraldia

Lehen Euskaraldian hamaikakoa izan bazen, bigarrenean hamabostekoa izango da protagonista; eta Arrasatek prest du berea. Kultur, kirol eta enpresa esparruko hainbat entitatek bat egin dute edizio berriarekin, eta euren entitateetatik euskara bultzatzeko konpromisoa hartu dute. Duela 30 urte Euskararen Hitzarmena sinatu zuten entitateetako batzuk errepikatu egin dute gaurkoan.

COVID-19aren eraginez nahi baino gehiago berandutu arren, Arrasatek prest du 2020ko Euskaraldirako hamabostekoa. Aurtengo edizioan, norbanakoez gain, entitateak izango dira jomuga nagusi, eta herriko hamabost eragilek sinadura egin dute euren esparruetan euskaraz aritzeko erraztasunak emateko. "Arrasaten abendutik gabiltza Euskaraldi berrira begira lanean. Aurten entitateek hartuko duten garrantzia dela eta, lehenbailehen hasi ginen eurekin harremanetan, euskaraz lasai aritzeko Ariguneak euren etxean ezarri ditzaten. Gaur aurkeztu ditugu lehen hamabost erakundeak, baina askoz gehiago batu daitezen ari gara lanean" adierazi du Arrasateko Euskaraldiko koordintzaile Jokin Etxebarriak.

Ordezkarietako bat, sinadura egiten.

Kulturaten egindako aurkezpen ekitaldian irudikatu dute konpromiso hartzea. Ane Zuazubiskar kazetariak aurkeztu du ekitaldia, eta entitateetako ordezkariak banan-banan joan dira dokumentu bateratua sinatzen. Hauek dira gaurko hamabostekoa osatu dutenak:

  • Arrasateko Udala
  • Ibai-arte
  • Mondragon Taldea
  • SUDC
  • Ttak! taldea
  • AZK
  • JMA
  • Txikitxu-Arrostaitz
  • Lore Gazteak
  • Besaide Mendizale Elkartea
  • Mondra Futbol Taldea
  • Arrasate Rugby Taldea
  • Ardatz Akademia
  • Abian Fisioterapia Zentrua
  • Arrasate Musikal

Sinatzaileen talde argazkia.

Gaurko ekitaldian, ordea, duela 30 urte Arrasateko erakundeek emandako urrats aitzindaria ekarri nahi izan dute gogora. Erakundeen arteko komunikazioak euskaraz egite aldera, herriko 38 eragilek Euskararen hitzarmena bezala ezagutu den dokumentua sinatu zuten –ostean 150 baino gehiago izatera heldu ziren–, aurrez Euskal Herri mailan beste inork egin ez bezala. Azpimarratzekoa, orduan dokumentua sinatu zuten askok gaur ere errepikatu egin dutela, herrian euskararekiko konpromisoa ahuldu ez den seinale. Horien artean daude, besteak beste, AED, Udala, JMA, Besaide Mendizale Elkartea, Mondra eta Arrasate Rugby Taldea.

 

Erlazionatuak

Euskaraz harremantzeko pauso aitzindariak, 30 urte

Arrasate

Elkarteen eta erakundeen arteko harremanak euskaraz egiteko 'Euskararen hitzarmena' sinatu zuten Arrasateko 38 eragilek. Era horretako lehen ekimen...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.