Sahararren festan musika, dantza, tea eta ohiko gastronomia herritarren eskura

Otsailaren 27an, 44 urte bete ziren Fronte Polisarioak Saharako Errepublika Arabiar Demokratikoa aldarrikatu zuenetik, eta hori horrela, ospakizuna egin zuten zapatuan Arrasaten, Ferixalekuan herriko emakume sahararren elkarteak eta bailarako beste hainbat eragilek antolatuta. Musika, dantza, tea eta Saharako ohiko gastronomia izan ziren herritar guztiei zabalik egon zen eta helburu bikoitza izan zuen festaren ardatzak.