29 urteko Sheila Garcia Arnaizen aldeko hileta elizkizuna gaur, eguena, izango da, 19:00etan San Juan Bataiatzailearen parrokian; aurretik beilatokian izango dira senideak (16:00-18:30). 25 urteko Jon Ander Kortabarria Saez agurtzeko bihar, egubakoitza, izango dira senideak beilatokian (10:00-13:00 eta 16:00-19:00).
Santa Teresa kalean, Arrasateko institutuko aparkalekuan, zegoen auto baten barruan topatu zituzten bi gazteen gorpuak atzo goizean. Ertzaintzak 11:15ean jaso zuen dei bat esanaz bikote bat zegoela martxan zegoen Volkswagen Golf gris auto baten barruan. Ertzaintzaren esanetan ez zuten antzeman inolako indarkeria zantzurik, eta lehen hipotesien arabera arnastutako gas pozoitsua izan zen heriotzaren eragilea. Ikerketak oraindik zabalik jarraitzen du.
