Santa Teresa kalean, Arrasateko institutuko aparkalekuan, zegoen auto baten barruan bi gorpu agertu dira hilda gaur goizean. Arrasatearrak direla adierazi dute Ertzaintzatik, 29 urteko emakumezkoa eta 25 urteko gizonezkoa; Musakolako bizilagunak dira.
Ertzaintzaren esanetan 11:15ean jaso dute dei bat esanaz bi gorpu zeudela auto baten barruan; lekukoen arabera martxan zegoen autoa, Volkswagen Golf grisa.
Ertzainak eta udaltzainak bertaratu direnean baieztatu dute heriotza eta lehen ikerketen arabera indarkeria zantzurik ez dute antzeman. Heriotzaren arrazoiak aztertzen dihardutela adierazi dute eta gorpuak autopsia egiteko eroango dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.