"Ezagutu dudan emakumerik alaiena eta umoretsuena zen Rosi. Beti zegoen laguntzeko prest, parte hartzeko prest, eta batez ere, jendeari ondo pasarazteko prest. Gogoan dut emakumeen taldea martxan jarri nuela, eta handik urtebetera bere kargu hartu zuela Rosik. Jaietan ere, beti ekarpenak egiten, gauzak antolatzen. Gogoan dut ere, ez zitzaiola gustatzen Katanga izenez deitzea; 'Ni Rosi naiz' erantzuten zuen... Arrasatear eredugarria izan da, ezbairik gabe. Pena, hain azkar joan izana" azaldu du Roman Lopezek.
"Oso pertsona alaia eta parte hartzailea zen, eta danborradaren kasuan lan handia egin zuena, bai helduak, eta baita gazteak, festara batzeko. Montxon elkarteko kide zen, eta bertako zuzendari bezala aritu zen urte luzez. Gogoan ditut ere, sanjuanetan eta haratusteetan egiten zituzten playback jaialdiak ere... itzelak ziren. Faltan botako dugu" azaldu du Danborradako antolatzaile Jesus Egidazuk.