Tailerrean parte hartu gura dutenek aurrez izena eman behar dutela adierazi du Arrasateko Udaleko Toki eta Garapen saileko teknikari Nerea Lazpiurrek gaur, eguaztena, Igo Autobusera! saioan: "11etatik 12etara egingo dute tailerra; izena emateko 943 25 20 17 telefonora deitu behar da, edo Arrasateko Udalaren atarian –Arrasate.eus/izen-ematea– ere badago aukera.
Lazpiurrez gainera, zapatuan estreinakoz Arrasateko azokan izango den Amezketako Argaia Goena baserriko Aintzane Garmendia, basoan hazitako txerriak ekoizten dituena gonbidatu dute gaurko saiora.
