Hiru hilabete baino gehiago greban daroaten Arrasateko etxez etxeko langileek udaletxean hasi eta leku berean bukatu den manifestazioa egin dute gaur arratsaldean.
Arrasateko Udala, konponbidea orain! lelopean egin dute etxez etxeko langileek manifestazioa herriko kaleetan, eta adierazi dute helburua izan dela hitzarmen ''propio eta duina'' lortzea. Gaineratu dute ''pozik eta harrituta'' daudela gaur herrikoen eta kanpotik etorritakoen partetik jasotako babesarekin. Udal Gobernutik jaso duten proposamenei dagokienez, langileek begi onez ikusten dute lehiaketa publikorako plegua elkarlanean lantzea, baina ez langileek eurek kooperatiba bat sortzea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.