Maiatzaren 11n kiskali zen Arrasateko Shot! estudioa berriro martxan jartzeko ekimenen barruan, jaialdi berezia egingo dute irailaren 23an Amaia antzokian: Pablo Novoa eta Keu Agirretxea, Ruper Ordorika, Petti eta Barrenan semiak, Ines Osinaga, Zea Maysko Aiora eta Piti eta Huntza. Sarrerak erosi ahalko dira aurrez Udaleko webgunean eta Taupan zein Irati tabernetan, 12 eurotan. Egunean bertan 15 euroko ordaindu beharko da leihatilan.
Kontzertuaren helburua Shot! estudioa berriro martxan jarri ahal izateko dirua biltzea izango da: "Arrasateko Shot! grabazio estudioa erre izana kolpe handia izan da Euskal Herriko musikari eta musika zaleentzat. Orain Shot!eko kideen bidelagunek hainbat ekimen prestatu dituzte estudioa berriro martxan jartzeko; lehena ezohiko proposamenez jantzitako kontzertu eder hau", adierazi dute jaialdiaren antolatzaileek.
Jaialdia iragartzeko kartela:
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
