Atzo goizean irten ziren kartzelatik Txus Goikoetxea eta Premin Sanpedro arrasatearrak ia 17 urteko espetxealdiaren ondoren. Herrira egunean bertan iristeko nahiarekin hartu zuten Andaluziatik Arrasaterako bidea. Ordu luzez bidaiatu ostean, gauean iritsi ziren herrira eta bertan harrera beroa jaso zuten.
Ikurrinez betetako pasillo bat aurkitu zuten Sanpedrok eta Goikoetxeak Seber Altube plazara iristean. Txalo zaparrada eta besarkada artean hartu zituzten herritarrek 22:00ak inguruan egindako ekitaldian. Irudietan ikusten den moduan plaza bete egin zen, asko izan baitziren bien harreran egon nahi izan zutenak.
Txus Goikoetxeak oraindik espetxean jarraitzen dutenak izan zituen gogoan: "Jarraitzea dagokigu haiek guztiak ekarri arte". Sanpedrok, Goikoetxearen hitzen ostean, urte hauetan guztietan jasotako babesa eskertu zuen, eta nabarmendu zuen dena dagoela irabazteko: "Euskal Herri aske eta sozialista lortu artean jo ta ke jarraitzea dagokigu" adierazi zuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
