Urte luzez hutsik egon ondoren, garai batean ile-apaindegi eta tindategia izandako eraikina eraitsi egingo dute, oinezkoei lehentasun gehiago emateko asmoz. Gaur eraikinaren barrualdea usten hasi dira, eta lanen arduradunek astebeteko epean eraikina eraitsita edukitzea aurreikusten dute.
Eraikinaren alboko aparkalekuan hesiak jarri dituzte, bertako langileen lana ez oztopatzeko, eta goiz partean garabiak autoren bat edo beste kendu behar izan du.
2016ko otsaileko osoko bilkuran onartu zuten eraikina eraistea, eta orduko aurreikuspena urtea amaitu orduko lanak bukatuta edukitzea zen. Hala ere, tindategian amaianto arrastoak aurkitu ziren eta enpresa espezializatu bat kontratu zuen Udalak sustantzia arriskutsu hori tratatzeko.
Hirigintza sailetik azaldu dutenez, "espaloia zabaldu egingo dugu, oinezkoentzat esparru handiagoa berreskuratzeko. Berdegune bat edukiko du eta bertan dagoen zuhaitza mantendu egingo da".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
