Arrasateko Zarugalde kaleko 37. zenbakian dagoen eraikina –argazkian– eraitsiko du Udalak, Arrasate pasealekuko obrak amaitu direla aprobetxatuta, oinezkoei lehentasuna emateko. Gaur, martitzena, onartu da eraikina eraisteko beharrezkoa den desjabetze espedienteari hasiera ematea, otsaileko ohiko osoko bilkuran. Obrak aurten gauzatzea espero du Udalak. Gainerakoan, bilkuran ez da eztabaidarik izan.
Osoko bilkuran eman den interbentzio bakarra EH Bilduko Itxaro Artolak egin du, 2015eko azaroan udalbatzak aho batez onartu zuen mozio baten harira. Ospitalean erresonantzia magnetikorako unitate bat jartzeko eskaera egin zuen orduan koalizio ezkertiar eta abertzaleak eta hiru hilabete pasata, eskaera zein egoeretan dagoen galdegin du. Maria Ubarretxena alkateak erantzun dio esanez eskaera ofiziala Jaurlaritzara bidalita dagoela; Artolak eskaera horren kopia bat eskatu dio.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
