Herritarren babesean ospatu du Arrasateko Trikitixa Eskolak 25. urtemuga

Monterron parkea bete egin zen atzo Arrasateko Trikitixa Eskolaren urteurrena ospatzeko ekitaldian. Ederra izan zen emanaldia eta kolaborazioz josia. Izan ere, hamalau pieza eskaini zituzten eta horietako bakoitzean herriko talde baten –abesbatzak, dantza taldeak, erraldoien konpartsa...– laguntza izan zuten. Ekitaldiaren amaieran, 25. urtemugako plaka oroigarria eman ziete guztiei; baita 25 urteotan eskolaren alde lan egin duten zenbait laguni ere.