Udalak akordioa lortu du SPRIrekin Aprendices eraikinaren jabegoa lortzeko

Xabi Gorostidi 2016ko mai. 31a, 14:21

Truke baten ondorioz heldu dira akordiora. Arrasateko Udalak Zalduspe industriaguneko partzelaren %35a SPRIren esku utziko du, eta trukean, Aprendices eraikinaren jabego osoa Udalarentzako izango da. Hitzarmena sinatu gabe dago oraindik, baina akordioa erabatekoa da bi aldeen artean.

Legealdia hasi zenetik aritu dira akordioa itxi nahian, eta atzoko Hirigintza Batzordean eman zieten akordioaren berri gainontzeko alderdi politikoei.

SPRIrekin truke bat egitea izan da Udalaren asmoa, horrela Aprendices erosten aurrezten zuten dirua, eraikina birgaitzeko erabiltzeko.

Akordioara heltzeko, SPRIrentzat interesgarriak ziren Udal propietateak baloratzen aritu dira, eta Zalduspeko industriagunean ados jartzea lortu dute. Bertako %88a Udalaren jabegoa zenez, honen %35aren truke onartu du SPRIk Aprendices eraikina Udalari ematea. Baldintza batzuk ere jarri dituzte. Udalak bere gain hartu beharko ditu Zalduspeko partzelaren urbanizazio lanak, eta hauek zortzi urteko epean egiteko konpromisoa hartu dute.

Aprendices eraikina klabea da Udalaren Kulturola proiektu barruan, bertan ezarriko dituelako Goikobalu eta Arrasate Musikal elkarteentzako egoitzak. Eraikina bere horretan mantentzeko asmoa du Udalak.

Jada hamabi enpresa aurkeztu dira eraikina birgaitzeko proiekturako. Behin lanak esleituta, sei hilabete eta erdi izango ditu aukeratutako enpresak proiektu finala aurkezteko.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak