Egin du Arrasateko EH Bilduk hauteskundeetarako programa lantzeko bigarren saio irekia. Lehenengotik hona, taldeka eta alorrez alor, landutako proposamenak aurkeztu dituzte, eta esparru guztietako lantaldeetako kideen artean kontrastatu, "zeharkakotasuna bermatzeko". Orain, otsail osoan, Irati eta Amaiur tabernetan jarritako kutxatxoetan batu nahi dituzte proposamen gehiago, edo arrasate@ehbildu.net helbidean, eta asmoa da martxoan egitea bai programa eta bai zerrenda onartuko dituen saioa.
Dozena bat lantaldetan banatuta –kirola, hezkuntza, kultura...–, 70 lagun inguru ari dira parte hartzen Arrasateko saioetan. Programa izango dena lantzeko erari buruz, horrela behar duela dio Arrasateko EH Bilduko Xabier Vallinak: "EH Bildu herritarrok osatzen dugu; herritar gabe, ez dago proiekturik".
Agintaldiaren "balantze ona" egin dute orain arteko parte-hartze saioetan, "hobetzeko gauza asko" daudela ere badioten arren. Nahi lukete beste lau urtez Arrasateko Udala gidatu, horretarako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
