"Guretako erreka jolasleku itzela zen, denbora gehien bertan ematen genuen. Nik 13 edo 14 urte nituenean hori desagertu egin zen, kutsaduragatik. Zaila da dibertimendu iturri hori ezagutu ez duten belaunaldi berriei hori guztia azaltzea, baina gure asmoa da azaldu eta konbentzitzea. Izan ere, inbertsio txiki batekin errekak jolasleku moduan berreskuratzeko aukera izan dezakegu", adierazi du Jesus Markaide SUDCeko kideak.
(Goiko argazkian: Zerrajerako ibai-parkea izango zenaren tramua)
Gainera, SUDC elkarteko presidente Juan Luis Arkauzek ere uste du proiektu polita izan daitekeela: "Arrasaten erreketan ura garbi dator orain. Zergatik ez erabili erreka horiek, lehen moduan, bainatzeko? Orain herriko beste eragile batzuekin egon gura dugu Udalari proposamen zehatzago bat aurkezteko".
