Beste 120 arbola ditu Mondragoek

Pago eta lizar artean, 120 zuhaitzetik gora landatu dituzte Arrasateko ikasleek gaur. Udalak antolatuta, zuhaitz eguna egin dute herriko ikastetxe guztietako ikasleekin Garagartzan. Lehen Hezkuntzako seigarren mailako ikasleez, zehazki. Guztira, 200 ikasle inguruk hartu dute parte ekimenean. Binaka, zuhaitz bana landatu dute, pagoa edo lizarra. Aitzurrak eskuan hartu eta trebe ibili dira ikasleak. Esfortzuaren ostean, ogitartekoa eta oparia jaso dituzte.