Ez da ezustekorik eman. Bildu eta Aralarren botoekin (12) eta EAJ eta PSE-EEren kontrakoekin (8) Udalak onartu egin du hiri hondakinak atez ate biltzea. Aldeko zein kontrako iritziak zituzten herritarrez lepo bete da udaletxeko osoko bilkuren aretoa eta zinegotzien arteko eztabaida luzearen ostean herritarrek denetariko ekarpenak egiteko aukera izan dute. Tentsio uneak ere bizi izan dira, bozketa egin ostean zenbait herritarrek altxatu eta euren desadostasuna agertu dutelako.