Gaur gaurkoz, %67koa da Urkuluren betetze-maila. Iaz sasoi honetan, 97%koa zen. Azken lau urteetan betetze maila ez zen %88tik jaitsi. Urtegiko erabiltzaileek ere sumatu dute beste urte batzuetan baino ur gutxiago dagoela.
Maiatzaren 12a, egun euritsuena
Datuei erreparatuta, pasa den asteko egubakoitzean, hilaren 12an egin zuen euri gehien. Hogeita lau ordutan, 27 litro pilatu ziren metro karratuko. Euri gutxien egin zuen eguna martitzena (maiatzaren 9a) izan zen, metro karratuko 1,3 litro bota ondoren.
Joan den astean, guztira metro karratuko hirurogei litro batu ziren. Orain dela bi aste, 1,6 litro metro karratuko pilatu ziren guztira aste osoan. Hala, datozen egunetarako euria espero da. Zapatutik eguazteneraino euria egingo du eta ondorioz, Urkulu urtegiaren egoera zerbait hobetuko dela aurreikusten da.
