Arrakasta izan du merkealdien azokak, jendeak aprobetxatu du erosketak egiteko. Eta hasiera baten ikusteko asmo hutsez doanak ere, begiratzen hasiz gero, beti du aukera gustuko zerbait topatzeko.
Egunerokoan dendara joaten diren bezeroak baino gehiago beste herritar batzuk ibili ohi dira mauka bila. Merkatariek diote Ixadebalde azokak bere publiko propioa duela, eta hori ere garrantzitsua dela eurentzako.
Aretxarte merkatarien elkarteak antolatuta, urtean birritan egiten dute merkealdien azoka Aretxabaletan, eta oraingoa hamazortzigarren edizioa izan da.