Edukiontzi bidezko bilketa sistema martxan da

Ibon Carmona 2016ko urr. 20a, 16:15

Edukiontzi bidezko hondakinen bilketa sistema berria daukate atzotik Aretxabaletan. Hasiera batean lehenago aplikatu behar zen arren, garbiketa enpresarekin akordio batera iristeko arazoek udalaren epeak atzeratu ditu. Hondakin organikoaren eta errefusaren edukiontziak zabaltzeko txartelak beharko dira, eta dagoeneko gehienak banatu dituzte.

Sistema aldaketak atzerapenak izan ditu. Azken horien arrazoia da Cespa enpresarekin, zerbitzua ematen duen enpresarekin, adostasunera iritsi nahia langileengan ahalik eta eragin txikiena izateko.

Edukiontzien kokapenagatik, bizilagun batzuen zenbait kexa iritsi dira udalera. Alkateak kasu horiek  aztertu egingo direla jakinarazi du, aldi berean,  aldaketa handirik egingo ez dela gaineratuz. Industrialdeetan, ostera, ez da izango aldaketarik; orain arte legez pasatuko dira hondakinak jasotzera. Eta komertzioetan kartoia eta hondakin organikoak atez ate jasoko dituzte.

Sistema berriarekin, Udalak %80tik gorako birziklatze tasa mantendu nahi du, aldi berean, hondakin ezberdinen nahastea ekidinez.

Birziklatze-tasari eutsi

Elkororen esanetan, sistema berriarekin "birziklatze-tasei eutsi" egingo diete herritarrek: "Gainerako herrietan emaitza onak dituzte; hortaz, gurean zergatik ez?". EH Bilduk ere "%80tik gorako sailkatze-tasari eusteko helburua" gogorarazi du, eta sozialistek "birziklatze-maila hobetzeko" dei egin die herritarrei.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak