Aretxabaletako jaiak 2016

'Su A Feu' ikuskizunak argiz bete ditu Aretxabaletako kaleak

Andra Mari bezperako gaua borobiltzeko Deabru Beltzak taldeak girotu zituen Aretxabaletako kaleak, su artifizialez betetako batukada bereziarekin.

‘Su A Feu’ deritzon lana antzeztu zuten aretxabaletarren aurrean. Kaleko dantzan, suan eta erritmoan oinarritutako ikuskizuna burutu zuen kale antzerkian hainbat urte daramatzan euskal taldeak.

Ikuskizuna gaueko 11:00etan abiatu zuten herriko plazatik, eta Durana kalea su artifizialez eta danborren hotsez bete ostean, plazan bukatu zuten berriz ere. Ekintzaz erabat gozatzeko herritar ugari bildu ziren ilunpean, plazan eta kale bazterretan.

Ekintzaren helburu nagusia ikusleekin nahastea, integratzea, inguratzea, eta azken batean ikuskizunean inplikatzea da, eta Deabru Beltzak taldekoek aise lortu zuten aretxabaletarrak giroan sartzea. Izan ere, ikusleak oso gustura gelditu ziren antzezlanarekin.

Erlazionatuak

Hasi dira Andramaixak

Aretxabaleta

Atzo arratsaldean egin zuen eztanda festak Aretxabaletan. Leizarra musika eskolako dantzarien, txistularien eta Aretxabaletako abesbatzaren eskutik...
"Su Á Feu" ikuskizuna

Aretxabaleta

Deabru Beltzak konpainiaren eskutik, ikuskizun berezi batez gozatu zuten atzo gauean aretxabaletarrek. Plazako eta Durana kaleko argiak itzalita, i...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.