Aretxabaletako kirol elkartearen diru-sarreren erdia da, hain zuzen ere, bazkideengandik dator4rena. 780 bazkide inguru ditu gaur egun klubak, eta abiatu duten bazkidetza kanpainaren ostean 900 bazkide izatera iritsi nahi dute. Horretarako aukera oraingo zapatuan (abuztuaren 8an) izango da, UDAk Ibarra futbol zelaian jokatuko duen lagunarteko partiduan (11:30ean, Anaitasunaren kontra).
Abuztuaren 16an ere izango da bazkide egiteko bidea, Aretxabaletako Andramari jaietan jokatuko duten txirrindulari probaren bueltan, Durana kalean; eta abuztuko azken aukera hilaren 23an izango da, kasu horretan, berriro ere Ibarra futbol zelaian, orduantxe hasiko da-eta, hirugaren mailako liga txapelketa.
Internet beti zabalik
Edozein modutan, bazkide egiteko bestelako bide batzuk etengabe daude zabalik: UDAren webgunera jo daiteke (www.udaretxabaleta.eus) edo posta elektronikoz harremanetan jarri (udaretxabaletake@gmail.com).
